Qazaxıstan enerji bazarındakı risklər fonunda tərəfdaşlarla danışıqları davam etdirir
Qazaxıstanın energetika naziri Erlan Akkenjenov bildirib ki, ölkənin beynəlxalq tərəfdaşları Hörmüz boğazında yaranan məhdudiyyətlər fonunda neft tədarükünün artırılmasında maraqlıdırlar.
Crossmedia.az xarici mediaya istinadən xəbər verir ki, nazirin sözlərinə görə, regionda artan gərginlik və Hörmüz boğazı ətrafında nəqliyyat risklərinin yüksəlməsi enerji bazarlarında narahatlıq yaradıb. Bu səbəbdən bir sıra tərəfdaş ölkələr və şirkətlər Qazaxıstandan əlavə neft tədarükü imkanlarını nəzərdən keçirməyi xahiş ediblər.
Akkenjenov qeyd edib ki, Qazaxıstan mövcud ixrac imkanlarını və bazarın tələbatını qiymətləndirərək tərəfdaşlarla danışıqları davam etdirir.
Energetika naziri əlavə edib ki, qlobal enerji bazarlarında sabitliyin qorunması üçün etibarlı tədarük marşrutlarının əhəmiyyəti hazırkı şəraitdə daha da artıb.
12:08 11.06.2026
Oxunuş sayı: 50
