Tiranada İsrail bayraqları qısa müddətdən sonra yığışdırıldı
Albaniyanın paytaxtı Tiranada “İsrail Mədəniyyəti Həftəsi” çərçivəsində qaldırılan İsrail bayraqları ictimai narazılıqdan sonra yığışdırılıb.
Crossmedia.az bu barədə xarici mediaya istinadən xəbər verir.
Məlumata görə, şəhərin əsas bulvarı tədbir ərəfəsində İsrail bayraqları ilə bəzədilmişdi. Lakin Qəzzada baş verən hadisələr fonunda bu addım cəmiyyətdə etirazlara səbəb olub.
Bildirilir ki, baş nazir Edi Ramanın İsrailə yaxın siyasəti ilə bağlı yaranan narazılıqlar və bayraqların yandırıla biləcəyi barədə təhdidlərdən sonra qərar dəyişdirilib.
Hakimiyyət ictimai gərginliyi azaltmaq məqsədilə bayraqların qısa müddət sonra ərazidən götürüldüyünü açıqlayıb.
18:02 10.06.2026
Oxunuş sayı: 54
