Xarici xəbərlər
İsrail əsgərləri Qərb Sahilində yeddi aylıq körpəni güllələyiblər
Xevronun cənubundakı Tel Rumeida bölgəsində İsrail əsgərləri bir ailəni daşıyan avtomobilə atəş açıblar.
Crossmedia.az xəbər verir ki, bu barədə "Reuters" agentliyi Fələstin Səhiyyə Nazirliyinə istinadən məlumat yayıb.
Uşağın nənəsi bildirib ki, ailə uzaqdan İsrail hərbi maşınlarını görüb maşınlarını saxlayıb. Qısa müddət sonra maşına atəş açılıb, yeddi aylıq Fəhd Əbu Haykal ölüb, valideynləri isə yaralanıb. Qohumlar əvvəlcə atəşi xəbərdarlıq atəşi kimi qəbul ediblər.
İsrail ordusu bir əsgərin yaxınlaşan nəqliyyat vasitəsinə bir atəş açdığını təsdiqləyib və hadisə hazırda araşdırılır.
22:42 06.06.2026
Oxunuş sayı: 56
