Aİ Azərbaycanla Tərəfdaşlıq Prioritetlərini bu il təsdiqləməyi planlaşdırır
Avropa İttifaqı Azərbaycanla “Tərəfdaşlıq Prioritetləri” sənədini 2026-cı ilin sonunadək təsdiqləməyi planlaşdırır.
Crossmedia.az xəbər verir ki, bu barədə Avropa İttifaqının Azərbaycandakı səfiri Marijana Kuyuinciç bildirib.
Onun sözlərinə görə, Azərbaycan və Avropa İttifaqı sənədin mətninin ilkin razılaşdırılması prosesini başa çatdırıb və yeni ikitərəfli saziş üzrə danışıqları rəsmi şəkildə bərpa edib.
Səfir qeyd edib ki, sənəd təsdiq proseduru üçün Brüsselə göndəriləcək və prosesin cari ilin sonunadək yekunlaşdırılması gözlənilir.
Kuyuinciç həmçinin tərəfdaşlıq sazişi üzrə danışıqların artıq başladığını vurğulayıb.
Zeynəb Həsən
16:56 06.06.2026
Oxunuş sayı: 59
