Xarici xəbərlər

Edi Rama etirazlara sərt cavab verdi: Bəlkə mən uşaqları yeyirəm?

Albaniyanın Baş naziri Edi Rama ölkədə ABŞ Prezidenti Donald Trampın kürəkəni Cared Kuşnerə aid kurort layihəsinə qarşı etirazlarla bağlı açıqlama verib.

Crossmedia.az xarici mediaya istinadən xəbər verir ki, Rama iddiaların “hibrid müharibənin bir hissəsi” kimi təqdim edildiyini bildirib və layihə ətrafında yayılan məlumatları təkzib edib.

Onun sözlərinə görə, bəzi dairələr əsassız versiyalar yayaraq guya layihənin onun və İsrail Baş naziri Benyamin Netanyahu tərəfindən Kuşner vasitəsilə Fələstinlilərin köçürülməsi üçün planlaşdırıldığını iddia edirlər.

Rama isə bu iddialara istehza ilə cavab verərək deyib:

“Bəlkə siz hələ eşitməmisiniz ki, mən uşaqları yeyirəm. Görünür bu xəbər sizə hələ çatmayıb.”

Baş nazir bu cür iddiaları absurd adlandırıb və onların ölkəyə qarşı informasiya kampaniyasının tərkib hissəsi olduğunu vurğulayıb.

🖨 Çap et

17:09 05.06.2026

Oxunuş sayı: 45