Qaluzin: Ermənistan Aİ və NATO-dakı rusofob qüvvələrin təsiri altındadır
Rusiyanın xarici işlər nazirinin müavini Mixail Qaluzin bildirib ki, Ermənistan hakimiyyəti təəssüf ki, Avropa İttifaqı və NATO-da üstünlük təşkil edən rusofob qüvvələrin təsiri altına düşüb.
Crossmedia.az xəbər verir ki, Qaluzin bu fikirləri Sankt-Peterburq Beynəlxalq İqtisadi Forumu çərçivəsində jurnalistlərə açıqlamasında səsləndirib.
Rusiya rəsmisinin sözlərinə görə, Moldova və Ermənistan siyasi elitaları Aİ və NATO istiqamətində yürüdülən siyasətin uzunmüddətli nəticələrini tam qiymətləndirmirlər.
“Rusiya ilə çoxəsrlik əlaqələrin kəsilməsindən ilk növbədə həmin keçmiş sovet ölkələrinin xalqları zərər görəcək. Ənənəvi qarşılıqlı faydalı iqtisadi, nəqliyyat və logistika əlaqələri artıq Moldovada olduğu kimi zəifləyəcək”, – deyə Qaluzin vurğulayıb.
O, həmçinin Moskvanın regiondakı inteqrasiya və əməkdaşlıq münasibətlərinin qorunmasının tərəfdarı olduğunu bildirib.
15:57 05.06.2026
Oxunuş sayı: 51
