Xarici xəbərlər

İranın nüvə proqramı ilə bağlı yeni müəmmalar ortaya çıxdı

Atom Enerjisi üzrə Beynəlxalq Agentlik (AEBA) üzv dövlətlərə təqdim etdiyi yeni hesabatda İranın nüvə proqramı ilə bağlı narahatlıqların davam etdiyini bildirib.

Crossmedia.az bu barədə xarici mediaya istinadən xəbər verir.

Hesabatda qeyd olunur ki, ABŞ və İsrailin İranın nüvə obyektlərinə qarşı həyata keçirdiyi hərbi əməliyyatlara baxmayaraq, Agentliyin ölkənin nüvə proqramına dair ümumi qiymətləndirməsində ciddi dəyişiklik baş verməyib.

AEBA yenidən Tehrandan zənginləşdirilmiş uran ehtiyatlarının taleyi ilə bağlı ətraflı məlumat təqdim etməyi tələb edib. Bildirilib ki, İran aşağı və yüksək zənginləşdirilmiş uran ehtiyatlarının harada saxlanıldığı barədə Agentliyə hələ də izahat verməyib.

Sənəddə vurğulanır ki, İran nüvə silahının hazırlanması üçün tələb olunan səviyyədən cəmi bir pillə aşağı hesab edilən 60 faiz zənginləşdirilmiş uran ehtiyatlarının hazırkı vəziyyəti barədə də AEBA-nı məlumatlandırmayıb.

Agentlik İranı beynəlxalq öhdəliklərinə əməl etməyə və nüvə proqramı ilə bağlı şəffaflığı artırmağa çağırıb.

🖨 Çap et

14:18 05.06.2026

Oxunuş sayı: 49