Xarici xəbərlər

İki il blokladı, indi razılaşdı – Macarıstanın qərarı hər şeyi dəyişdi

Macarıstan Ukraynaya Avropa İttifaqının fondları hesabına ayrılması nəzərdə tutulan 6,6 milyard avroluq hərbi yardımla bağlı vetosunu ləğv edib.

Crossmedia.az bu barədə xarici mediaya istinadən xəbər verir.

Məlumata görə, vəsaitin əsas hissəsinin Ukrayna Silahlı Qüvvələri üçün hava hücumundan müdafiə sistemlərinin alınmasına yönəldilməsi planlaşdırılır.

Bildirilir ki, bu qərar Macarıstan hökumətinin Ukrayna ilə bağlı tətbiq etdiyi sonuncu vetonun da aradan qaldırılması deməkdir. Rəsmi Budapeşt 2024-cü ildən etibarən Avropa Sülh Fondu çərçivəsində Ukraynaya təxminən 6,6 milyard avro həcmində hərbi yardımın ayrılmasını bloklayırdı.

Beləliklə, Macarıstanın maneəsinin aradan qalxması ilə Avropa İttifaqının Ukraynaya yeni hərbi dəstək paketinin həyata keçirilməsi üçün hüquqi maneə qalmayıb.

🖨 Çap et

14:03 05.06.2026

Oxunuş sayı: 159