ABŞ Migel Dias-Kanel və ailəsinə sanksiya tətbiq edib
Amerika Birləşmiş Ştatları Kubanın prezidenti Migel Dias-Kanel, onun ailə üzvləri və Kastro ailəsinin qohumlarına qarşı yeni sanksiyalar tətbiq edib.
Crossmedia.az xəbər verir ki, Kuba hakimiyyəti isə Vaşinqtonun bu addımını kəskin şəkildə pisləyib. Ölkənin xarici işlər naziri Bruno Rodriges prezident və onun ailəsinin sanksiya siyahısına salınmasını “alçaq hərəkət” adlandırıb. Nazir bildirib ki, bu qərar ABŞ-nin Kubanın suverenliyini zəiflətməyə yönəlmiş intervensionist siyasətinin tərkib hissəsidir.
Prezident Migel Dias-Kanel isə açıqlamasında sanksiyaları “siyasi korluq” kimi qiymətləndirib. Onun sözlərinə görə, məqsəd kubalı xalqa zərər vurmaq və iki ölkə arasında qarşıdurmanı davam etdirməkdir.
12:47 05.06.2026
Oxunuş sayı: 37
