Çin mikroçipdə yeni mərhələ elan etdi: ABŞ ilə texnoloji rəqabət güclənir
Çin ABŞ ilə texnoloji rəqabətdə yeni mərhələyə keçdiyini və mikroçip istehsalında mühüm irəliləyiş əldə etdiyini açıqlayıb.
Crossmedia.az xəbər verir ki, məlumata görə, Şanxayda keçirilən beynəlxalq elmi konfransda He Tinqbo çıxış edərək “Təcrübədə yeni yarımkeçirici yol” adlı məruzə təqdim edib və Çinin texnoloji suverenliyə doğru irəlilədiyini bildirib.
O, "Huawei" şirkətinin çip performansını artırmaq üçün yeni məntiqi qatlama texnologiyası üzərində işlədiyini qeyd edib.
Çin dövlət agentliyi “Sinxua”nın məlumatına görə, bu yanaşma çipin ölçüsünün kiçildilməsi deyil, memarlıq dəyişiklikləri hesabına gücün artırılmasını nəzərdə tutur.
Məlumata görə, Çin 2031-ci ilə qədər yarımkeçirici texnologiyasında Qərblə müqayisə oluna biləcək səviyyəyə çatmağı hədəfləyir.
Hadisənin ABŞ prezidenti Donald Trampın Pekinə səfərindən sonra açıqlanması diqqət çəkib.
12:16 05.06.2026
Oxunuş sayı: 46
