Aİ ukraynalı kişi qaçqınların statusunu ləğv etməyi müzakirə edir - İDDİA
Avropa İttifaqında Ukraynadan gələn hərbi yaşda olan kişi qaçqınların müvəqqəti müdafiə statusunun dəyişdirilməsi məsələsi müzakirə olunur.
Crossmedia.az xəbər verir ki, bu barədə “WELT” nəşri məlumat yayıb.
Məlumata görə, Avstriya bu təşəbbüsün əsas tərəfdarlarından biridir. Vyana hökuməti 23–60 yaş arası Ukrayna vətəndaşlarının qaçqın statusunun avtomatik ləğv edilməsini təklif edir. Bu yanaşmanın 2027-ci ilin martında mövcud müdafiə direktivinin müddəti bitdikdən sonra tətbiq oluna biləcəyi bildirilir.
Avstriya tərəfi bu addımı Ukraynaya dəstək kimi əsaslandırır və həmin şəxslərin ölkəyə qayıdaraq işçi qüvvəsi çatışmazlığını azaltmasının vacib olduğunu vurğulayır.
Qeyd olunur ki, hazırda məsələ ilə bağlı yalnız müzakirələr aparılır və hələlik heç bir rəsmi qərar və ya sənəd imzalanmayıb.
18:08 04.06.2026
Oxunuş sayı: 52
