Xarici xəbərlər

Rusiya İrəvana “tarixi seçim” çağırışı edib

Rusiya xarici işlər nazirinin müavini Sergey Ryabkov Ermənistanın gələcək siyasi kursu ilə bağlı açıqlama verib.

Crossmedia.az-ın xarici mediaya istinadən verdiyi məlumata görə, o jurnalistlərə bildirib ki, son dövrlərdə baş verən hadisələr Ermənistanın seçim etməli olduğunu göstərir.

Ryabkovun sözlərinə görə, Moskva İrəvanın tarixi baxımdan düzgün seçim edəcəyinə və Rusiya ilə ənənəvi, dərin və qardaşlıq münasibətlərinin möhkəmləndirilməsinə üstünlük verəcəyinə ümid edir.

Rusiya rəsmisi qeyd edib ki, Ermənistanın Rusiya ilə münasibətləri tarixən ölkə üçün faydalı olub və gələcəkdə də bu əməkdaşlığın Ermənistan xalqına qazanc gətirəcəyinə inandıqlarını bildirib.

🖨 Çap et

18:14 03.06.2026

Oxunuş sayı: 49