Paşinyan və Ursula fon der Lyayen Aİ–Ermənistan dəstəyini müzakirə edəcək
Ermənistanın baş naziri Nikol Paşinyan və Avropa Komissiyasının sədri Ursula fon der Lyayen bu gün Avropa İttifaqının Ermənistana dəstəyi məsələsini müzakirə edəcəklər.
Crossmedia.az xəbər verir ki, "Azatutyun"-un Brüsseldəki mənbələrə istinadən yaydığı məlumata görə, Rusiya tərəfindən tətbiq edilən ticarət məhdudiyyətləri fonunda Aİ İrəvana maliyyə yardımı və güzəştli ticarət şərtləri təqdim etməyi planlaşdırır. Söhbət bəzi Ermənistan məhsullarının rüsum və kvotalar olmadan Avropa bazarına çıxışını nəzərdə tutan Avtonom Ticarət Tədbirlərindən gedir.
Brüssel rəsmiləri bu cür mexanizmlərin adətən böhran vəziyyətlərində tərəfdaş ölkələrə dəstək və onların Avropa bazarına inteqrasiyasını gücləndirmək üçün istifadə olunduğunu bildirirlər.
11:45 03.06.2026
Oxunuş sayı: 56
