Xarici xəbərlər

İran ABŞ-nin Küveyt və Bəhreyndəki bazalarına raket zərbələri endirib

İranın ABŞ-nin Küveyt və Bəhreyndə yerləşən hərbi bazalarına raket zərbələri endirdiyi iddia olunur.

Crossmedia.az xəbər verir ki, hazırda yayılan məlumatlara görə, bu hücum İran tərəfindən ABŞ-nin hərəkətlərinə cavab olaraq həyata keçirilib. SEPAH əməliyyatın Vaşinqtonun “açıq təcavüzünə” cavab olduğunu açıqlayıb və növbəti hücumların baş verəcəyi təqdirdə daha sərt addımlar atılacağı ilə bağlı xəbərdarlıq edib.

İlkin məlumatlara əsasən, Küveyt və Bəhreyndə ABŞ obyektlərinin vurulduğu, Səudiyyə Ərəbistanında isə hava sirenlərinin səsləndiyi bildirilir. Bəhreynin hava məkanını bağladığı, bölgədə uçuşların yönləndirildiyi qeyd olunur.

Hadisələrlə bağlı rəsmi təsdiqlər və müstəqil mənbələrin açıqlamaları hələlik gözlənilir.

🖨 Çap et

11:05 03.06.2026

Oxunuş sayı: 186