İndoneziyada Papua ilə bağlı sənədli filmin nümayişinə maneələr yaradılır
İndoneziyada rəsmilər Papua bölgəsində torpaqların yerli əhalidən alınmasını əks etdirən "Pestabby" adlı yeni sənədli filmin nümayişinin qarşısını almağa çalışırlar.
Crossmedia.az xəbər verir ki, flm hökumətin geniş meşə sahələrini təmizləyərək düyü və şəkər istehsalı üçün iri kənd təsərrüfatı layihələri həyata keçirməsi ilə bağlı iddiaları işıqlandırır. Bildirilir ki, sözügedən meşələr yerli papualıların yaşayış mənbəyi olmaqla yanaşı, onların müqəddəs məkanlarını da əhatə edir.
Filmin yayımlanmasından sonra müəlliflərin təhdidlərlə üzləşdiyi, həmçinin onların fəaliyyətinin təhlükəsizlik orqanları tərəfindən izlənildiyi qeyd olunur. Məlumata görə, hərbçilər mövzunun həssas olduğunu və narazılıqlara səbəb ola biləcəyini əsas gətirərək bəzi universitetlərdə planlaşdırılan nümayişləri dayandırıblar.
Papua uzun illərdir İndoneziyada siyasi baxımdan həssas bölgə hesab olunur. Hökumət beynəlxalq media qurumlarının və insan hüquqları təşkilatlarının bölgəyə girişini ciddi şəkildə məhdudlaşdırır.
Bununla belə, filmin nümayişinin məhdudlaşdırılması cəhdləri gözlənilən nəticəni verməyib. Əksinə, sənədli film ölkə üzrə geniş diqqət cəlb edib və keçirilən nümayişlərə biletlərin qısa müddətdə tükəndiyi bildirilir.
01:48 03.06.2026
Oxunuş sayı: 52
