Xarici xəbərlər
Volodin: Ermənistanı Ukraynanın taleyinə bənzər ssenari gözləyə bilər
Rusiya Dövlət Dumasının sədri Vyaçeslav Volodin bildirib ki, Ermənistan hakimiyyəti Avrasiya İqtisadi İttifaqından (Aİİ) uzaqlaşmanın mümkün nəticələri barədə cəmiyyəti tam məlumatlandırmır.
Crossmedia.az xəbər verir ki, onun sözlərinə görə, Ermənistan Aİİ-dən çıxacağı halda ölkədə qazın qiyməti kəskin arta, Rusiyadan pul köçürmələri azala və Ermənistan məhsullarının Rusiya bazarına çıxışı məhdudlaşa bilər.
Volodin bu vəziyyəti Ukrayna ilə müqayisə edərək qeyd edib ki, Avropa İttifaqına inteqrasiya prosesində Ukraynaya verilən vədlər sonradan özünü doğrultmayıb.
O həmçinin Ermənistanın baş naziri Nikol Paşinyanı Aİ-yə inteqrasiya kursu yürütməkdə ittiham edib və bunun nəticələrinin Ermənistan üçün ağır ola biləcəyini bildirib.
17:03 02.06.2026
Oxunuş sayı: 57
