Peskov: Kiyev danışıqlardan imtina edərsə, müharibə davam edəcək
Kremlin sözçüsü Dmitri Peskov bildirib ki, Moskva Ukraynadakı münaqişənin sülh yolu ilə həllinə hazırdır, lakin Kiyev ciddi danışıqlardan imtina edərsə, müharibə davam edəcək.
Crossmedia.az xəbər verir ki, onun sözlərinə görə, Rusiya Ukraynada yalnız hərbi infrastruktura sistemli zərbələr endirir.
Dmitri Peskov həmçinin qeyd edib ki, əgər Ukrayna tərəfi uşaqlara qarşı qəsdən terror aktları həyata keçirirsə, bu, münaqişənin “tamamilə fərqli paradiqmaya” keçməsi deməkdir.
Kreml sözçüsü əlavə edib ki, Ukrayna prezidenti Volodimir Zelenski Ukrayna Silahlı Qüvvələrinə “Rusiya regionlarını” tərk etməyi əmr edərsə, münaqişə bu gün başa çata bilər.
O bildirib ki, nizamlanma prosesində fasilə olsa da, Rusiya ilə ABŞ arasında təmaslar davam edir.
16:47 02.06.2026
Oxunuş sayı: 54
