Xarici xəbərlər

Ermənistan fermerlərinə ixrac problemlərinə görə kompensasiya veriləcək

Ermənistanın baş naziri Nikol Paşinyan Rusiyaya məhsul ixracında məhdudiyyətlərlə üzləşən fermerlərə dövlət dəstəyi göstəriləcəyini açıqlayıb.

Crossmedia.az xəbər verir ki, Ermənistan mediasının məlumatına görə, o, Ermənistanın vilayəti Qeqarkunikdə seçkiqabağı görüş zamanı bildirib ki, subsidiyalar ixrac zamanı yaranan “ədalətsiz maneələr” səbəbindən fermerlərin çəkdiyi zərərlərin kompensasiyasına yönəldiləcək.

Nikol Paşinyan eyni zamanda etiraf edib ki, bəzi erməni məhsulları keyfiyyət standartlarına cavab vermir. Onun sözlərinə görə, bu şirkətlərə də məhsul keyfiyyətinin artırılması üçün yardım göstəriləcək.

Baş nazir Avrasiya İqtisadi İttifaqı daxilində yaranan problemlərlə bağlı isə seçkilərdən sonra bu məsələlərin həlli üzərində işləyəcəyini bildirib.

🖨 Çap et

14:20 02.06.2026

Oxunuş sayı: 52