Xarici xəbərlər

İrana ittiham: Körfəzdən Livana qədər hamı bunun əziyyətini çəkir

Birləşmiş Ərəb Əmirliklərinin Prezidentinin diplomatik məsələlər üzrə müşaviri Anvar Qarqaş Yaxın Şərq ölkələrinin İranın regional ambisiyalarının nəticələrinə görə bədəl ödəməməli olduğunu bildirib.

Crossmedia.az xarici mediaya istinadən xəbər verir ki, Qarqaş sosial şəbəkədə paylaşdığı açıqlamada Körfəz ölkələrindən tutmuş Yəmən, Livan və İraqa qədər bütün regionun İranın şişirdilmiş regional ambisiyalarının qiymətini ödədiyini qeyd edib.

“Fars körfəzi ölkələrindən Yəmənə, Livana və İraqa qədər hamımız İranın şişirdilmiş regional ambisiyalarının bədəlini ödəyirik. Regionda hər hansı bir ölkənin rolu ümumi təhlükəsizlik, sabitlik və rifah hesabına təmin edilə bilməz”, – deyə o vurğulayıb.

BƏƏ rəsmisinin sözləri regionda təhlükəsizlik və geosiyasi gərginliklə bağlı müzakirələrin davam etdiyi bir vaxtda səsləndirilib.

🖨 Çap et

12:58 02.06.2026

Oxunuş sayı: 54