Xarici xəbərlər

Moskva bazarı bağlandı - Paşinyan alternativ axtarışına başladı

Ermənistanın Baş naziri Nikol Paşinyan Rusiyanın Ermənistan kənd təsərrüfatı məhsullarının idxalına qoyduğu məhdudiyyətləri ədalətsiz addım kimi qiymətləndirib.

Crossmedia.az xarici mediaya istinadən xəbər verir ki, Paşinyan hökumətin bu qadağalardan zərər görən sahibkarlara dəstək göstərəcəyini bildirib. Onun sözlərinə görə, Ermənistan məhsullarının satışının davam etdirilməsi üçün alternativ ixrac bazarlarının tapılması istiqamətində işlər aparılır.

Baş nazir qeyd edib ki, hökumət fermerlər və ixracatçılar üçün yaranmış çətinliklərin aradan qaldırılması məqsədilə müvafiq tədbirlər həyata keçirəcək.

Xatırladaq ki, Rusiya Ermənistandan bir sıra meyvələrin idxalına məhdudiyyət tətbiq edib. Qadağa albalı, ərik, gavalı, şaftalı, nektarin və üzüm məhsullarını əhatə edir. Bu qərarın Ermənistanın kənd təsərrüfatı ixracına ciddi təsir göstərə biləcəyi bildirilir.

🖨 Çap et

12:43 02.06.2026

Oxunuş sayı: 53