İqtisadi xəbərlər
Azərbaycan Moldova ilə biznes əlaqələrini gücləndirir
Azərbaycan və Moldova arasında biznes əlaqələrinin gücləndirilməsi üçün mövcud potensial dəyərləndirilib.
Crossmedia.az xəbər verir ki, bunu iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
Məlumata görə, müzakirələr "Bakı Enerji Həftəsi" çərçivəsində Moldovanın energetika naziri Dorin Junqietu ilə görüşdə baş tutub.
Nazir qeyd edib ki, ölkələrimiz arasında iqtisadi münasibətlərin perspektivlərini, enerji, ticarət, kənd təsərrüfatı, İKT, investisiya və digər sahələrdə əməkdaşlığın genişləndirilməsi imkanlarını müzakirə edilib.
18:16 01.06.2026
Oxunuş sayı: 48
