Ağdərədə insana məxsus olduğu ehtimal edilən sümük qalıqları aşkarlanıb
Ağdərə rayonunun Baş Güney kəndində insana məxsus olduğu ehtimal edilən sümük qalıqları aşkar edilib.
Crossmedia.az xəbər verir ki , qalıqlar kənd sakini Bəxtiyar Əsgərov tərəfindən ailəsinə məxsus həyət evində aparılan axtarışlar zamanı tapılıb.
İlkin ehtimallara görə, sümük fraqmentləri 1992-ci ildə itkin düşmüş Qəribovlar ailəsinin üzvlərinə aid ola bilər.
Qeyd edək ki, 1992-ci il martın 12-də Baş Güney kəndinin işğalı zamanı Qəribovlar ailəsinin beş üzvü - Balay Qəribov, həyat yoldaşı Saray İsmayılova, qızları Zabilə və Ramilə Ələsgərovalar, eləcə də nəvələri Nərgiz Xudaverdiyeva itkin düşüb. Həmin şəxslərin taleyi ilə bağlı indiyədək dəqiq məlumat yoxdur.
Ailənin yeganə sağ qalan üzvü Bəxtiyar Əsgərov uzun illərdir yaxınlarının aqibətinin müəyyənləşdirilməsi üçün araşdırmalar aparır.
Aşkarlanan sümük qalıqları aidiyyəti qurumlar tərəfindən götürülərək ekspertizaya təqdim olunub. Onların kimə məxsus olduğu məhkəmə-tibbi və DNT ekspertizasının nəticələrindən sonra dəqiqləşdiriləcək.
20:20 31.05.2026
Oxunuş sayı: 60
