Türkiyənin müdafiə naziri: Rusiya Suriyada qalmaq üçün hər şeyi edəcək
Rusiya Suriyadan qoşunlarını çıxarmağı planlaşdırmır və oradakı mövcudluğunu qorumaq üçün hər cür səy göstərəcək. Crossmedia.az xəbər verir ki, bu barədə Türkiyənin milli müdafiə naziri Yaşar Gülər Hürriyet qəzetinə açıqlamasında bildirib.
Nazir qeyd edib ki, bəzi Rusiya gəmiləri təmir üçün göndərilə bilər, lakin qoşunların çıxarılmasına dair konkret əlamətlər yoxdur. “Rusiya qüvvələrini Tartus və Latakiya bölgələrində cəmləşdirib və Suriyanın yeni hakimiyyət nümayəndələri ilə danışıqları davam etdirməyi planlaşdırır,” – deyə Gülər vurğulayıb.
O həmçinin əlavə edib ki, əgər müvafiq müraciət olarsa, Türkiyə Suriyada Rusiya bölmələrinə dəstək göstərməyə hazırdır.
Gültac Mehdizadə
12:38 15.12.2024
Oxunuş sayı: 5240
