Dünyada yeni virus qorxusu: Ölüm halları qeydə alındı
Ümumdünya Səhiyyə Təşkilatı (ÜST) hantavirusun əvvəlki yayılmaları zamanı ölüm göstəricilərinin yüksək olduğunu açıqlayıb.
Crossmedia.az xəbər verir ki, bu barədə xarici media yazıb.
Təşkilatın nümayəndəsi Anais Leqandın sözlərinə görə, “MV Hondius” gəmisində olan 149 nəfərdən 101-də virusa yoluxma təsdiqlənib. Hazırda ÜST gəmidə olan sərnişinlərin vətəndaşı olduğu ölkələrlə əlaqə saxlayır.
Həkimlər bildirirlər ki, xəstəliyin ilkin simptomları adi qripə bənzəyir. Yoluxan şəxslərdə hərarət, halsızlıq, bədən ağrıları və ürəkbulanma müşahidə olunur. Lakin sonrakı mərhələdə virus ağciyər və böyrəklərin fəaliyyətini dayandıra biləcək qədər ağır fəsadlar yarada bilər.
Mütəxəssislərin məlumatına görə, Andes hantavirusunda ölüm göstəricisi təxminən 40 faizə çatır. Virusa qarşı hazırda xüsusi vaksin və ya effektiv müalicə mövcud deyil.
Bununla belə, həkimlər qeyd edirlər ki, hantavirus COVID-19 qədər sürətlə yayılmır və yoluxma üçün əsasən yaxın təmas tələb olunur.
12:36 08.05.2026
Oxunuş sayı: 40
