Xarici xəbərlər

ABŞ və İran arasında razılaşma siqnalı - Hörmüz boğazı açıla bilər

Hörmüz boğazının yenidən açılması ilə bağlı intensiv diplomatik danışıqlar aparılır.

Crossmedia.az xəbər verir ki, bu barədə məlumatı “Əl-Ərəbiyyə” telekanalı yayıb.

Bildirilir ki, ABŞ və İran arasında liman blokadasının yumşaldılması müqabilində Hörmüz boğazının mərhələli şəkildə açılması barədə ilkin razılaşma əldə oluna bilər.

Məlumata əsasən, yaxın saatlarda boğazda hərəkətsiz qalan gəmilərlə bağlı vəziyyətdə irəliləyişin olması gözlənilir.

Bu xəbər Pakistanın baş naziri Şahbaz Şərifin ABŞ prezidenti Donald Trampın “Azadlıq Layihəsi” əməliyyatının dayandırılması ilə bağlı təşəkküründən bir gün sonra yayılıb.

Eyni zamanda İranın da münaqişənin sona çatdırılması üçün aparılan danışıqlar çərçivəsində Hörmüz boğazının açılması məsələsini nəzərdən keçirməyə hazır olduğu bildirilir.

🖨 Çap et

16:20 07.05.2026

Oxunuş sayı: 48