Xarici xəbərlər

Türkiyə və Səudiyyə Ərəbistanı iqtisadi əməkdaşlıqla bağlı protokol imzalayıb

Türkiyə və Səudiyyə Ərəbistanı arasında iqtisadi əməkdaşlığın genişləndirilməsi ilə bağlı yeni protokol imzalanıb.

Crossmedia.az xəbər verir ki, bu barədə məlumatı xarici media yayıb.

Ankarada keçirilən Türkiyə–Səudiyyə Ərəbistanı Koordinasiya Şurasının üçüncü iclasında tərəflər ticarət və investisiya sahəsində mövcud vəziyyəti və əməkdaşlığın inkişaf perspektivlərini müzakirə ediblər.

İclasda ticarət naziri Ömer Bolat, Türkiyənin xarici işlər naziri Hakan Fidan və Səudiyyə Ərəbistanının xarici işlər naziri Faysal bin Fərhan iştirak ediblər.

Tədbir çərçivəsində Ticarət, Sənaye, İnvestisiya, İnfrastruktur və Enerji Komitəsinin ikinci iclasına dair protokol da imzalanıb.

Bundan əlavə, Rəcəb Tayyib Ərdoğan Səudiyyə Ərəbistanının xarici işlər nazirini qəbul edib. Görüşün qapalı formatda keçirildiyi bildirilib.

🖨 Çap et

14:33 07.05.2026

Oxunuş sayı: 47