“Bakı Metropoliteni” kollektivi Heydər Əliyevin xatirəsini anıblar
“Bakı Metropoliteni” QSC-nin rəhbərliyi və kollektivi Bakı metropoliteninin inkişaf tarixində xüsusi xidmətləri olan Ulu Öndər Heydər Əliyevin 22-ci ildönümü ilə əlaqədar müəssisənin “Nərimanov” elektrik deposunda qoyulmuş büstünü ziyarət edib.
Crossmedia.az QCS-yə istinadən xəbər verir ki, müəssisənin rəhbərliyi, həmçinin kollektivi abidənin önünə əklil qoyaraq, unudulmaz liderin xatirəsini bir dəqiqəlik sükutla yad ediblər.
“İstər Sovet dövründəki böyük çətinliklərə rəğmən, istərsə də müstəqilliyin ilk illərində keçmiş SSRİ respublikaları arasında iqtisadi əlaqələrin tənəzzülə uğradığı dövrdə məhz Heydər Əliyevin nüfuzu, zəhməti və yaxından dəstəyi ilə Bakı metropoliteni fəaliyyətini və sərnişinlərinə nümunəvi xidmətini davam etdirib. 2003-cü ilə qədər Bakı metrosunun xətlərinin uzunluğu 31,5 km idisə, bunun 21,3 km-i məhz Heydər Əliyevin rəhbərliyi və yaxından iştirakı ilə tikilərək sərnişinlərin xidmətinə verilib. Bir çox çatışmazlıqların yarandığı həmin dövrlərdə yeni metro vaqonlarının alınması, dağılmış təsərrüfatın bərpası məhz Heydər Əliyevin sayəsində öz həllini tapıb”, -deyə qeyd olunub.
09:10 12.12.2024
Oxunuş sayı: 3871
