“Korrupsiyaya qarşı birgə mübarizənin təşkili” mövzusunda tədbir keçirilib
Dekabrın 11-də Azərbaycan Respublikası Dini Qurumlarla İş üzrə Dövlət Komitəsinin (DQİDK) Lənkəran regional bölməsi, Astara Rayon İcra Hakimiyyəti (RİH) və Qafqaz Müsəlmanları İdarəsinin (QMİ) Astara rayonu üzrə səlahiyyətli nümayəndəliyinin birgə təşkilatçılığı ilə “Korrupsiyaya qarşı birgə mübarizənin təşkili” mövzusunda tədbir keçirilib.
Crossmedia.az Komitəyə istinadən xəbər verir ki, Astara Heydər Əliyev Mərkəzində baş tutan tədbirdə DQİDK-nın Lənkəran regional bölməsinin müdiri Qağayı Məmmədov, bölmənin əməkdaşları Emin Həmidli, Famil Talıbov, Astara RİH başçısı Aparatının İctimai-siyasi və humanitar məsələlər şöbəsinin müdir müavini Mərasim Hacıyev, QMİ-nin səlahiyyətli nümayəndəsi İlqar Həsənli, dini icma sədrləri və din xadimləri iştirak ediblər.
Çıxışlarda mövzunun əhəmiyyətindən bəhs olunub. Ölkəmizdə korrupsiyaya qarşı mübarizənin mütəşəkkil və ardıcıl aparıldığı vurğulanıb. Korrupsiyaya qarşı mübarizəyə dair milli strategiya və fəaliyyət planlarının qəbul edildiyi diqqətə çatdırılıb.
14:38 11.12.2024
Oxunuş sayı: 12284
