Xarici xəbərlər

İran mediası Bəhreyni öz ərazisi elan etdi

İrana yaxın “Keyhan” qəzeti Bəhreynlə bağlı qalmaqallı iddialar irəli sürüb.

Crossmedia.az xəbər verir ki, qəzetdə Bəhreynin İrana məxsus olduğu iddia edilib, həmçinin ölkə əhalisinin özünü iranlı hesab etdiyi və İranla birləşmək istədiyi bildirilib.

Nəşr Bəhreyn rəhbərliyini “asılı” adlandıraraq onların vəzifədən kənarlaşdırılması və cəzalandırılmasına çağırıb.

Bu açıqlamalar Bəhreyn hökumətinin bu yaxınlarda BMT-yə müraciət edərək İranı daxili işlərinə müdaxilədə ittiham etdiyi bir dövrə təsadüf edir.

Eyni zamanda, İran bəzi Körfəz ölkələrinin ərazilərinin ona qarşı mümkün hücumlar üçün istifadə olunduğunu iddia edir, Bəhreyn isə bu fikirləri gərginliyi artırmaq cəhdi kimi qiymətləndirir.

🖨 Çap et

19:05 16.04.2026

Oxunuş sayı: 58