Xarici xəbərlər

Aİ Rusiyaya təzyiqi artıracağına söz verdi

Avropa Şurasının prezidenti Antonio Koşta Rusiyanı Ukraynanın bir neçə şəhərinə genişmiqyaslı hücumlar həyata keçirməkdə ittiham edib.

Crossmedia.az bu barədə xarici mediaya istinadən xəbər verir.

O bildirib ki, Kiyev, Dnepr, Odessa və Xarkov şəhərləri raket və dronlarla hədəfə alınıb. Koşta qeyd edib ki, hücumlar zamanı təkcə yaşayış məntəqələri deyil, həm də xilasedicilər yardım göstərməyə çalışarkən təcili yardım xidmətləri də vurulub.

Avropa Şurasının rəhbəri bu hücumları qəddar və qəsdən edilən zərbələr kimi qiymətləndirib, ölənlərin ailələrinə başsağlığı verib və Rusiyanı hərbi əməliyyatları dərhal dayandırmağa çağırıb.

O əlavə edib ki, onun fikrincə, Rusiya müharibədə uğursuzluğa düçar olduqdan sonra mülki əhaliyə qarşı daha çox hücuma əl atır.

Koşta, həmçinin vurğulayıb ki, Avropa İttifaqı Rusiyaya təzyiqləri artırmağa davam edəcək və Ukraynaya dəstəyi gücləndirəcək.

🖨 Çap et

18:47 16.04.2026

Oxunuş sayı: 50