Salonikidə Heydər Əliyevin xatirəsi anılıb
Yunanıstanın Saloniki şəhərində müasir Azərbaycan dövlətinin qurucusu Ulu Öndər Heydər Əliyevin anım günü münasibətilə tədbir keçirilib.
Crossmedia.az xəbər verir ki, bu barədə Diasporla İş Üzrə Dövlət Komitəsi məlumat yayıb.
Bildirilib ki, Diasporla İş Üzrə Dövlət Komitəsinin və Azərbaycanın Yunanıstandakı Səfirliyinin dəstəyi, “QALA" Yunanıstan-Azərbaycan Dostluq Cəmiyyətinin təşkilatçılığı ilə baş tutan tədbirdə Azərbaycanın Yunanıstandakı səfiri, Türkiyənin və Gürcüstanın Saloniki şəhərindəki baş konsulluqlarının əməkdaşları, yerli QHT-nin üzvləri və ictimaiyyətin nümayəndələri iştirak edib.
Qonaqları salamlayan "QALA" Yunanıstan-Azərbaycan Dostluq Cəmiyyətinin sədri Rəşid Məmmədov müasir Azərbaycan dövlətinin qurucusu, Ümummilli Lider Heydər Əliyevin xalqımız qarşısındakı tarixi və misilsiz xidmətləri barədə tədbir iştirakçılarına məlumat verib. Ulu Öndərinin xatirəsinin Yunanıstanda hörmətlə anıldığını vurğulayıb.
Azərbaycanın Yunanıstandakı səfiri Arif Məmmədov dünyanın nüfuzlu siyasətçiləri arasında xüsusi yer tutan Ümummilli Lider Heydər Əliyevin parlaq və şərəfli həyat yolundan, çoxşaxəli dövlətçilik fəaliyyətindən, müasir Azərbaycan dövlətinin müstəqilliyinin əldə olunması, qorunması və möhkəmləndirilməsində əvəzsiz və müstəsna rolundan danışıb.
Daha sonra iştirakçılar Ulu Öndərin həyat və yaradıcılığına həsr olunmuş foto-sərgiyə baxıblar.
13:14 11.12.2024
Oxunuş sayı: 15911
