Sinqapurda Azərbaycan mədəniyyətinin zənginliyi nümayiş etdirilib
Sinqapurun Nanyang Texnoloji Universitetində keçirilən “Confluence - 2026” beynəlxalq festivalında Azərbaycan mədəniyyəti təqdim olunub.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Festivala müxtəlif ölkələrdən - Almaniya, Çin, Filippin, Hindistan, İndoneziya, Qazaxıstan, Koreya Respublikası, Şri-Lanka, Türkiyə, Vyetnam, Yaponiya və digərlərindən çoxsaylı iştirakçılar qatılıb.
Tədbirdə Sinqapurda yaşayan soydaşlarımız Məhsəti Piriyeva və Xoşqədəm Salmanovanın təşəbbüsü ilə zəngin mədəni irsimizi nümayiş etdirən xüsusi guşə qurulub. Guşədə milli geyimlərimiz, Azərbaycanın füsunkar təbiətini və görməli məkanlarını əks etdirən fotolar, eləcə də xalça sənətinə aid naxışlar sərgilənib və ziyarətçilərin böyük marağına səbəb olub.
Bundan əlavə, Azərbaycan musiqisinin seçmə nümunələri də təqdim edilib. Festivalın musiqi zonasında səsləndirilən bu ifalar iştirakçılara Azərbaycan musiqi mədəniyyəti ilə yaxından tanış olmaq imkanı yaradıb.
18:00 02.04.2026
Oxunuş sayı: 390
