Gündəm
Ermənistan rəsmilərinin sülhdən danışması qeyri-səmimilikdir – Politoloqdan ŞƏRH
Ermənistan xarici işlər nazirinin müavini Vahan Kostanyan Bəhreyndə keçirilən “Manama dialoqu” forumunda çıxış edərək, ölkəsinin qonşu dövlətlərlə mehriban münasibətlər qurmaq niyyətində olduğunu bildirib. O, Ermənistanın xarici siyasətində suverenlik, ərazi bütövlüyü və demokratiyanın qorunmasının əsas prioritetlər olduğunu vurğulayıb və bu istiqamətdə tərəfdaşlarla əlaqələrin genişləndirilməsinə çalışıldığını qeyd edib.
Mövzu ilə bağlı Crossmedia.az-a açıqlama verən politoloq Yalçın Hacızadə isə Ermənistanın sülhdən danışmasını qeyri-səmimi hesab edir. Politoloq bildirib: “Ermənistan Çar və Sovet Rusiyasının layihəsi olaraq tarixi Azərbaycan torpaqlarında qurulub və daha sonra işğal, soyqırımı və köçürmə siyasəti apararaq ərazilərini genişləndirib. Yaradılış məqsədi regionda daima münaqişə çıxarmaq üçün separatizm yuvası olan bir ölkənin sülhdən danışması çox qeyri-səmimidir. Ermənistandan dövləti erməni lobbisindən, erməni kilsəsindən və erməni cəmiyyətindən ibarətdir və hamısı da terrorizmi, işğalı, qonşu ölkələrə qarşı ərazi iddiasını dəstəkləyir və beynəlxalq güclərin maşası olması siyasətini özləri üçün var olma məqsədi görür”.
O, Ermənistanın keçmişdəki siyasətini tənqid edərək əlavə edib: “Ermənistan xarici işlər nazirinin müavini Vahan Kostanyanın rəhbəri Paşinyan hakimiyyətə gəldikdən sonra ‘Qarabağ Ermənistandır’ və ya ‘yeni müharibələr, yeni torpaqlar’ fikrini səsləndirirdi. Torpaqlarımızın 30 illik işğalına İkinci Qarabağ müharibəsi ilə son qoyduq. ‘Üçtərəfli Bəyanatı’ imzalayaraq təslim olduğunu qəbul etsə də, qısa müddətdən sonra başqa ölkələrin təhriki ilə separatizmi yenidən alovlandırmağa çalışırdılar. Bir günlük anti-terror əməliyyatı ilə separatizmin kökünü kəsdik. Yəni bunlar hamısı Azərbaycan dövlətinin siyasi və hərbi gücü hesabına oldu, Ermənistan dövlətinin ‘mehriban qonşuluq’ siyasəti apardığına və ya ‘demokratik’ olduğu üçün olmadı.”
Politoloq Ermənistanın Konstitusiyasında və rəsmi sənədlərində Azərbaycana və Türkiyəyə qarşı ərazi iddialarının olduğunu xatırladaraq qeyd edib: “Bütün müzakirələrə və çağırışlara baxmayaraq, bu sənədləri dəyişərək regionda sabitliyin yaranması üçün sülh müqaviləsi bağlamaq istəmirlər. Əksinə olaraq silahlanır, başqa ölkələrin təhriki ilə bizə və Türkiyəyə qarşı qurulan oyunlarda rol oynamağa çalışırlar. Hesab edirəm ki, Ermənistan dövləti Azərbaycanın və strateji müttəfiqi olan qardaş Türkiyənin real gücünü, regionda oyun dəyişə bilən imkanlarını dəqiq analiz etməlidir. Başqalarına güvənərək təxribatlar törədən müttəfiqi Bəşər Əsədin taleyindən nəticə çıxartmalıdır. Əlbəttə ki, Ermənistanın nicatı qonşuları, əsasən də Azərbaycan–Türkiyə ittifaqı ilə səmimi münasibətlər qurmasından keçir.”
Maral Şahverdili
Mövzu ilə bağlı Crossmedia.az-a açıqlama verən politoloq Yalçın Hacızadə isə Ermənistanın sülhdən danışmasını qeyri-səmimi hesab edir. Politoloq bildirib: “Ermənistan Çar və Sovet Rusiyasının layihəsi olaraq tarixi Azərbaycan torpaqlarında qurulub və daha sonra işğal, soyqırımı və köçürmə siyasəti apararaq ərazilərini genişləndirib. Yaradılış məqsədi regionda daima münaqişə çıxarmaq üçün separatizm yuvası olan bir ölkənin sülhdən danışması çox qeyri-səmimidir. Ermənistandan dövləti erməni lobbisindən, erməni kilsəsindən və erməni cəmiyyətindən ibarətdir və hamısı da terrorizmi, işğalı, qonşu ölkələrə qarşı ərazi iddiasını dəstəkləyir və beynəlxalq güclərin maşası olması siyasətini özləri üçün var olma məqsədi görür”.
O, Ermənistanın keçmişdəki siyasətini tənqid edərək əlavə edib: “Ermənistan xarici işlər nazirinin müavini Vahan Kostanyanın rəhbəri Paşinyan hakimiyyətə gəldikdən sonra ‘Qarabağ Ermənistandır’ və ya ‘yeni müharibələr, yeni torpaqlar’ fikrini səsləndirirdi. Torpaqlarımızın 30 illik işğalına İkinci Qarabağ müharibəsi ilə son qoyduq. ‘Üçtərəfli Bəyanatı’ imzalayaraq təslim olduğunu qəbul etsə də, qısa müddətdən sonra başqa ölkələrin təhriki ilə separatizmi yenidən alovlandırmağa çalışırdılar. Bir günlük anti-terror əməliyyatı ilə separatizmin kökünü kəsdik. Yəni bunlar hamısı Azərbaycan dövlətinin siyasi və hərbi gücü hesabına oldu, Ermənistan dövlətinin ‘mehriban qonşuluq’ siyasəti apardığına və ya ‘demokratik’ olduğu üçün olmadı.”
Politoloq Ermənistanın Konstitusiyasında və rəsmi sənədlərində Azərbaycana və Türkiyəyə qarşı ərazi iddialarının olduğunu xatırladaraq qeyd edib: “Bütün müzakirələrə və çağırışlara baxmayaraq, bu sənədləri dəyişərək regionda sabitliyin yaranması üçün sülh müqaviləsi bağlamaq istəmirlər. Əksinə olaraq silahlanır, başqa ölkələrin təhriki ilə bizə və Türkiyəyə qarşı qurulan oyunlarda rol oynamağa çalışırlar. Hesab edirəm ki, Ermənistan dövləti Azərbaycanın və strateji müttəfiqi olan qardaş Türkiyənin real gücünü, regionda oyun dəyişə bilən imkanlarını dəqiq analiz etməlidir. Başqalarına güvənərək təxribatlar törədən müttəfiqi Bəşər Əsədin taleyindən nəticə çıxartmalıdır. Əlbəttə ki, Ermənistanın nicatı qonşuları, əsasən də Azərbaycan–Türkiyə ittifaqı ilə səmimi münasibətlər qurmasından keçir.”
Maral Şahverdili
17:03 09.12.2024
Oxunuş sayı: 18563
