Macarıstan Azərbaycan Evində xeyriyyə yarmarkası keçirilib
Macarıstanın paytaxtı Budapeştdə yerləşən Azərbaycan Evində Novruz bayramı münasibətilə xeyriyyə yarmarkası keçirilib.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Yarmarkada soydaşlarımızın Novruz ənənələrinə uyğun hazırladıqları müxtəlif şirniyyatlar və Azərbaycan mətbəxinin zəngin, ləziz təamları satışa çıxarılıb. Satışdan əldə olunan gəlirin bir hissəsi imkansız ailələrə dəstək üçün ayrılıb.
Yarmarkaya Macarıstanda yaşayan azərbaycanlılarla yanaşı, yerli sakinlər və xarici qonaqlar da böyük maraq göstərib. Ziyarətçilər bu təşəbbüsü yüksək qiymətləndirərək, ölkəmizə xas milli məhsulları əldə etməklə xeyriyyə aksiyasına öz töhfələrini veriblər.
Qeyd edək ki, 27 dekabr 2019-cu ildən fəaliyyət göstərən Macarıstan Azərbaycan Evində milli dəyərlərimizin təbliği və soydaşlarımız arasında birliyin möhkəmləndirilməsi məqsədilə müxtəlif tədbirlər təşkil olunur.
15:00 19.03.2026
Oxunuş sayı: 439
