İran Qırmızı dənizdə yerləşən ABŞ hərbi qüvvələri ilə bağlı obyektlərin hədəfə alına biləcəyi barədə xəbərdarlıq edib.
Crossmedia.az xarici mediaya istinadən xəbər verir ki, bu barədə İslam İnqilabı Keşikçiləri Korpusunun (SEPAH) Xatəmül-Ənbiya Qərargahının sözçüsü İbrahim Zülfüqari açıqlama verib. O bildirib ki, USS Gerald R. Ford təyyarədaşıyan gəmisinin Qırmızı dənizdə yerləşdirilməsi İran tərəfindən təhlükə kimi qiymətləndirilir.
Açıqlamaya görə, bu səbəbdən sözügedən təyyarədaşıyan zərbə qrupunu dəstəkləyən logistika və xidmət obyektləri İran Silahlı Qüvvələri üçün potensial hədəf hesab olunur.
SEPAH nümayəndəsi əlavə edib ki, Qırmızı dənizdə ABŞ hərbi qüvvələrinin fəaliyyətinə dəstək verən bütün infrastruktur İran tərəfindən diqqətlə izlənilir.
