ABŞ prezidenti Donald Tramp İranda yayılan kütləvi mitinq görüntülərinin saxta olduğunu iddia edib.
Crossmedia.az bu barədə xarici mediaya istinadən xəbər verir.
O bildirib ki, sosial mediada yayılan videolarda İranın keçmiş Ali Dini Lideri Əli Xamenei tərəfdarlarının kütləvi şəkildə meydanlara toplaşdığı və ona güclü dəstək göstərdiyi iddia olunsa da, bu görüntülər gerçək deyil.
Trampın sözlərinə görə, videolarda təxminən 250 min nəfərin iştirak etdiyi göstərilsə də, həmin görüntülər süni intellekt vasitəsilə hazırlanıb və real hadisəni əks etdirmir.
ABŞ prezidenti əlavə edib ki, son üç-dörd gün ərzində yayılan mitinqlərin görüntüləri texnologiya vasitəsilə yaradılıb və əslində belə kütləvi aksiyalar baş verməyib.
Trampın bu açıqlaması İran ilə bağlı informasiya müharibəsi və sosial mediada yayılan görüntülərin etibarlılığı barədə müzakirələri yenidən gündəmə gətirib.
