Ramazan ayının 14-cü gününün duası
Sabah Ramazan ayının 14-cü günüdür. Ramazan təqviminə əsasən imsak vaxtı saat 05:44:, iftar vaxtı saat 18:50-dir.
Crossmedia.az Ramazan ayının 14-cü gününün duasını təqdim edir.
İftar duası:
İlahi, səndən ötrü oruc tutdum və sənin verdiyin ruzi ilə iftarımı açıram və sənə təvəkkül edirəm. Orucumu qəbul et. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla.
İmsak Duası:
Allahım, bu mübarək ayda məni xəta və günahlardan qoru, qəzəbindən uzaqlaşdır.
Səhvlərimi bağışla, nöqsanlarımı ört və məni Öz rəhmətindən uzaq salma.Bilmədən etdiyim günahları da, bilərək yol verdiyim xətaları da əfv et. Nəfsimin vəsvəsəsindən, şeytani tələlərdən məni qoru.
Məni doğru yoldan sapdıracaq hər bir şeydən uzaqlaşdır.
Ey Rəbbim, məni bəla və müsibətlərdən hifz et.
Görünən və görünməyən təhlükələrdən, qəfil gələn sınaqlardan məni hifz et.
Əgər sınasaq, mənə səbir və güc ver, əgər çətinlik göndərsən, onun içində xeyir və hikmət nəsib et.
Səni Öz izzətin və əfvinlə, ey müsəlmanların izzəti!
Məni alçaldan, məni rüsvay etmə. Məni Öz himayəndə saxla və bu ayı mənim üçün bağışlanma, nicat və mənəvi yüksəliş ayı et.
Dualarımı qəbul buyur.
Amin.
Allah tutulan orucları qəbul etsin!
21:12 03.03.2026
Oxunuş sayı: 1251
