Varşava Azərbaycan Evində növbəti dəfə 2 həftəlik karyera təlimi keçirilib
Polşanın paytaxtı Varşava şəhərində Azərbaycan Respublikası Diasporla İş üzrə Dövlət Komitəsinin dəstəyi, Varşava Azərbaycan Evinin təşkilatçılığı ilə soydaşlarımız üçün növbəti dəfə 2 həftəlik ödənişsiz İntensiv Karyera Təlimi keçirilib.
Crossmedia.az xəbər verir ki, Varşava Azərbaycan Evinin Təlim-Tədris Mərkəzinin rəhbəri, maliyyə və karyera planlaması üzrə təlimçi, maliyyə-mühasibat sahələri üzrə 6 ildən artıq təcrübəyə sahib Elçin Eyvazov dərslərdə maliyyə, mühasibatlıq, MS Excel və SAP ERP proqramları, effektiv CV və Linkedin hesabının hazırlanması, eləcə də müsahibəyə hazırlıq və işə qəbul mərhələləri haqqında ən vacib bilikləri tələbələrə çatdırıb.
Qeyd edək ki, Azərbaycan Respublikasının Diasporla İş üzrə Dövlət Komitəsinin dəstəyi ilə Varşava Azərbaycan Evində mütəmadi olaraq karyera təlimləri keçirilir. Bu təlimlər soydaşlarımızın karyera həyatında inkişafı, şəxsi inkişafları baxımından böyük əhəmiyyət daşıyır.
14:43 06.12.2024
Oxunuş sayı: 5551
