Özbək mütəxəssis: Özbəkistanla Azərbaycan arasında əməkdaşlıq münasibətləri xüsusilə fəallaşıb
Özbəkistanla Azərbaycan arasında əməkdaşlıq münasibətləri xüsusilə fəallaşıb.
Bunu Bakıda keçiriləcək Özbəkistan universitetlərinin II Təhsil Sərgisi çərçivəsində ölkəmizfə səfərdə olan Özbəkistan Andincan Universitetinin beynəlxalq Əlaqələr Şöbəsinin baş mütəxəssisi İsgəndər Yusupov Crossmedia.az-a açıqlamasında bildirib.
O, son dövrlərdə Özbəkistan və Azərbaycan arasında beynəlxalq və əməkdaşlıq münasibətlərinin xüsusilə fəallaşdığını qeyd edib:
"Bu əməkdaşlıq təkcə dövlətlərarası səviyyədə deyil, eyni zamanda akademik və korporativ müstəvidə də uğurla inkişaf edir. Xüsusilə vurğulamaq lazımdır ki, Amerika Tibb İnstitutu ötən il Azərbaycan Respublikasının bir neçə ali təhsil müəssisəsi ilə, eləcə də Minimal İnvaziv Cərrahiyyə Assosiasiyası ilə qarşılıqlı anlaşma memorandumları imzalamışdır. Bu əməkdaşlıq çərçivəsində birgə müzakirələr aparılır, tələbələrin cəlb olunması, müəllim və cərrah mütəxəssislərin təcrübə mübadiləsi, həmçinin müxtəlif sahələrdə, xüsusilə tibb sahəsində ixtisaslı kadrların yetişdirilməsi istiqamətində xüsusi fəaliyyət planları həyata keçirilir.
Bu tərəfdaşlığın gələcəkdə daha da genişlənəcəyinə və hər iki ölkənin səhiyyə və təhsil sahəsinə mühüm töhfələr verəcəyinə inanırıq".
Qeyd edək ki, Özbəkistanın Ali təhsil ocaqlarının müəllim və professor heyəti ötən gündən ölkəmizə səfər etmiş və 31 yanvar 2026-cı il tarixində keçiriləcək Özbəkistan universitetlərinin II Təhsil Sərgisində iştirak edəcəklər.
Elmir Heydərli
11:05 30.01.2026
Oxunuş sayı: 737
