Rusiya Mərkəzi Asiya–Azərbaycan məsləhətçi görüşlərində iştirak etmək istəyir
Rusiya Mərkəzi Asiya ölkələri və Azərbaycanın iştirak etdiyi məsləhətçi görüşlər formatına qoşulmaq niyyətindədir. Bu barədə Rusiyanın Tacikistandakı səfirliyinin birinci katibi Aleksey Zenko bildirib.
Crossmedia.az bu barədə xarici mediaya istinadən xəbər verir.
Onun sözlərinə görə, Moskva “Mərkəzi Asiya beşliyi” formatının formalaşmasını böyük maraqla izləyir və Azərbaycanın region ölkələrinin dövlət başçılarının məsləhətçi görüşlərinə qoşulması qərətini müsbət qiymətləndirir. Zenko qeyd edib ki, Rusiyanın Mərkəzi Asiya ilə coğrafi və tarixi yaxınlığı, eləcə də inkişaf etmiş iqtisadi və nəqliyyat əlaqələri bu formatda iştirak imkanının müzakirə olunmasını məqsədəuyğun edir.
Diplomat vurğulayıb ki, Rusiyanın prosesə qoşulması koordinasiyanın möhkəmlənməsinə, inteqrasiyanın dərinləşməsinə və region ölkələrinin müstəqilliyi qorunmaqla daha inklüziv təhlükəsizlik arxitekturasının formalaşmasına töhfə verə bilər.
Günel Verdiyeva
17:27 17.12.2025
Oxunuş sayı: 872
