Doqquzuncu sinif şagirdi məktəbdə on yaşlı uşağı öldürdü
Moskva vilayətində doqquzuncu sinif şagirdi on yaşlı uşağı öldürüb.
Crossmedia.az xarici mediaya istinadən xəbər verir ki, faciə Moskva vilayətinin Odintsovo şəhər dairəsindəki Qorki-2 kəndindəki məktəbdə baş verib.
Doqquzuncu sinif şagirdi məktəbindəki şagirdlərə bıçaqla hücum edərək bir mühafizəçini və digər üç şagirdi yaralayıb; bir uşaq aldığı yaradan ölüb.
Yeniyetmə qatilin adı Timofey K.-dir və həmin məktəbdə oxuyur.
Hüquq-mühafizə orqanlarının məlumatına görə, o, bu səhər məktəbə gəlib, mühafizəçini bıçaqlayıb, bibər qazı püskürdüb və sonra on yaşlı şagirdi bıçaqlayıb, şagird isə yaradan ölüb.
Yeniyetmə qatil öldürdüyü uşaqla selfi çəkdirib.
Timofey "Heç kimin həyatı önəmli deyil" şüarı olan köynək geyinib.
Rusiya mediasının məlumatına görə, doqquzuncu sinif şagirdi neonasist baxışlara malik olub. Saxlanılan şəxsin telefonunda ekstremist sitatların və sağçı təşkilatların adlarının yazıldığı formaların şəkilləri də tapılıb.
16:23 17.12.2025
Oxunuş sayı: 1347
