Orban preventiv məqsədlə Putinə məktub yazdığını açıqlayıb
Macarıstanın baş naziri Viktor Orban Rusiya Prezidenti Vladimir Putinə məktub ünvanladığını bildirib.
Bu barədə Crossmedia.az xarici mediaya istinadən xəbər verir.
Orbanın sözlərinə görə, məktubda o, Rusiyanın Avropa İttifaqında dondurulmuş Rusiya aktivlərinin müsadirə edilməsi ehtimalına necə reaksiya verəcəyini və bu məsələdə Aİ-yə üzv ayrı-ayrı ölkələrin mövqelərinin nəzərə alınıb-alınmayacağını soruşub.
Baş nazir qeyd edib ki, Moskva tərəfindən aldığı cavabda Rusiyanın bu addıma “qətiyyətlə cavab verəcəyi”, eyni zamanda ayrı-ayrı ölkələrin səslərinin nəzərə alınacağı bildirilib.
Viktor Orban bir daha vurğulayıb ki, o, Avropa İttifaqında dondurulmuş Rusiya aktivlərindən istifadə edilməsini dəstəkləmir. Onun fikrincə, bu cür addım “eskalasiyanın yeni mərhələsi” olacaq.
Mehriban İbrahimli
14:20 17.12.2025
Oxunuş sayı: 784
