Ermənistanda Katolikos II Qareginin istefası tələbi ilə imza kampaniyasına başlanılıb
Ermənistan hökuməti regionlarda bütün ermənilərin katolikosu II Qareginin istefası tələbi ilə aktiv şəkildə imza toplamağa başlayıb.
Crossmedia.az bu barədə Iravunk qəzetinə istinadən xəbər verir.
Məlumata görə, təşəbbüsün müəllifi hakim “Vətəndaş Müqaviləsi” Partiyasından Şirak vilayəti üzrə deputat Karen Saruxanyandır. Bildirilir ki, o, bu təklifi partiyanın iclaslarından birində səsləndirib.
Qeyd olunur ki, partiya üzvləri təşəbbüsü müsbət qarşılayıb, baş nazir Nikol Paşinyan isə Saruxanyanı açıq şəkildə tərifləyib. Bundan sonra hakimiyyət tərəfdarları Şirak vilayətindən başlayaraq kənd və şəhərlərdə, o cümlədən ictimai nəqliyyat dayanacaqlarında imza toplama kampaniyasına start veriblər.
Günel Verdiyeva
13:48 17.12.2025
Oxunuş sayı: 812
