Mədəniyyət naziri Adil Kərimli UNAOC yüksək səviyyəli görüşündə çıxış edib
BMT-nin Sivilizasiyalar Alyansı (UNAOC) tərəfindən Ər-Riyad şəhərində təşkil olunan 11-ci Qlobal Forum çərçivəsində dekabrın 14-də UNAOC Dostlar Qrupunun Yüksək Səviyyəli Görüşü keçirilib.
Crossmedia.az-a bu barədə məlumat Mədəniyyət Nazirliyindən daxil olub.
Məlumata görə, görüşdə çıxış edən mədəniyyət naziri Adil Kərimli Azərbaycanın tarixən formalaşmış tolerantlıq mühiti barədə məlumat verib. Nazir Prezident İlham Əliyevin multikultural dəyərlər və dinlərarası dialoqun ölkədə vətəndaş həmrəyliyi və sabitliyin təmin olunmasındakı əhəmiyyətinə dair fikirlərini diqqətə çatdırıb.
Adil Kərimli mədəniyyətlərarası dialoqun təşviqi, multikultural dəyərlərin qorunması və mədəni diplomatiyanın beynəlxalq əməkdaşlıqda rolunu vurğulayıb, forumun yüksək səviyyədə təşkilinə görə Səudiyyə Ərəbistanı Krallığına təşəkkürünü bildirib.
Çıxışda Azərbaycanın UNAOC ilə əməkdaşlıq çərçivəsində dinlərarası dialoqun təşviqi istiqamətində həyata keçirdiyi təşəbbüslərə də toxunulub.
12:03 15.12.2025
Oxunuş sayı: 997
