Ukrayna danışıqlarda yeni ‘qırmızı xətt’ müəyyən edir
Ukrayna Prezidenti Volodimir Zelenski ölkənin hər hansı bir ərazisinin sülh müqabilində verilməsi ilə razılaşmayacaq. Bunu Prezident Administrasiyasının rəhbəri Andrey Yermak deyib.
Bu barədə Crossmedia.az "The Atlantic" jurnalına istinadən xəbər verir.
Yermak deyib ki, “heç bir sağlam düşüncəli insan bu gün ərazilərdən imtina haqqında sənədi imzalamaz. Zelenski hakimiyyətdə olduğu müddətdə heç kim bizim torpaqları verməyimizə ümid etməməlidir”.
Onun sözlərinə görə, istənilən territorial güzəşt Ukrayna Konstitusiyasına və Ukrayna xalqının iradəsinə ziddir.
Yermak əlavə edib ki, danışıqların növbəti mərhələsində prezident Ukraynanın Rusiya tərəfindən müvəqqəti işğal edilmiş ərazilərindən imtina məsələsinə qəti “qırmızı xətt” çəkəcək.
“Hazırda real danışa biləcəyimiz yeganə şey təmas xəttinin müəyyən edilməsidir. Biz bunu etməliyik,” — deyə Yermak bildirib.
Mehriban İbrahimli
15:25 28.11.2025
Oxunuş sayı: 986
