Dmitri Kozak müharibə qərarını tənqid edərək istefa verib
Rusiyanın yüksək səviyyəli keçmiş rəsmisi Dmitri Kozakın istefası ətrafında yeni detallar üzə çıxıb. Rusiya Prezident Administrasiyasının müavini Kozak istefa ərəfəsində Vladimir Putinə şəxsi məktub göndərib. O, Ukraynaya qarşı müharibəyə başlamaq qərarını qəti şəkildə tənqid edib. Bu barədə keçmiş rəsmi ilə əlaqəsi olan dörd mənbə məlumat verib.
Crossmedia.az xarici mediaya istinadən xəbər verir ki, Kozak prezidentə həm istefa ərizəsini, həm də ayrıca izahlı məktub təqdim edib. İnsayderlərdən birinin sözlərinə görə, o, bu etirazın Putin tərəfindən neqativ qarşılanmadığını düşünür.
18 sentyabrda vəzifədən ayrıldıqdan sonra Kozakın xaricə-o cümlədən İsrailə tez-tez səfərlər etdiyi məlum olub. Mənbələr onun səfərlərinin təhlükəsizliklə deyil, tibbi müalicə ilə bağlı olduğunu, Kozakın müalicədən sonra yenidən Rusiyaya qayıtdığını vurğulayır.
Sevinc Yarməmmədova
14:57 28.11.2025
Oxunuş sayı: 818
