Pokrovsk hələ də nəzarətdədir, Rusiya “son manevr”ə cəhd edir - Sırski
Ukrayna Silahlı Qüvvələrinin Baş Komandanı Aleksandr Sırski bildirib ki, Rusiya Pokrovsk istiqamətinə təxminən 150 minlik canlı qüvvə cəmləşdirib və müdafiəni yararaq Donetsk vilayətinə tam nəzarət əldə etmək məqsədilə geniş hücum əməliyyatı aparır.
Bu barədə Crossmedia.az New York Post-a istinadən xəbər verir ki, baş komandanın sözlərinə görə, hücumda iri mexanikləşdirilmiş qoşun birləşmələri və dörd dəniz piyada briqadası iştirak edir. Buna baxmayaraq, şəhər hələ də Ukraynanın nəzarəti altındadır.
Sırski vurğulayır ki, Pokrovskın “ələ keçirilməsi” barədə yayılan məlumatlar həqiqətə uyğun deyil. Rusiya şəhəri mühasirəyə almağa və təminat yollarını kəsməyə cəhd göstərsə də, buna nail ola bilmir.
Ukrayna isə kəşfiyyat məlumatları və uzaqmənzilli zərbələr vasitəsilə düşmənin arxa cəbhəsinə zərbələr endirir və onun resurslarını tədricən tükəndirir.
Türkanə Məşədiyeva
10:36 11.11.2025
Oxunuş sayı: 1672
