İndoneziya israilli idmançıları dünya çempionatına buraxmadı
İndoneziya hökuməti israilli idmançılara viza verməkdən imtina edib və onların 19–25 oktyabr tarixlərində Cakartada keçiriləcək bədii gimnastika üzrə dünya çempionatında iştirakına icazə verməyib.
Crossmedia.az xəbər verir ki,İsrail Gimnastika Federasiyası bu qərarı “açıq-aşkar ədalətsizlik” adlandıraraq apellyasiya şikayəti verib.Lakin İndoneziya rəsmiləri bildiriblər ki, bu addım dövlətin rəsmi mövqeyinə uyğundur. Onların sözlərinə görə, İndoneziya İsrail Fələstin dövlətinin müstəqilliyini və suverenliyini tanımadan onunla diplomatik əlaqə qurmayacaq.
Hüquq məsələləri üzrə nazir Yusril İhza Mahendra qeyd edib ki, qərar həm İndoneziya İslam Alimləri Şurası, həm də Cakarta hökuməti tərəfindən dəstəklənib. Bu addım İsrailin Qəzzadakı hərəkətlərinə qarşı ölkədə yaranmış güclü ictimai narazılıq fonunda atılıb.
Nastya Qəniyeva
14:28 15.10.2025
Oxunuş sayı: 6472
