Əgər ruslar NATO-ya qarşı bunu etsələr...
NATO Alyansın hər bir qarış ərazisini və hava məkanını qorumaq üçün bütün vasitə və səlahiyyətləri mövcuddur.
Crossmedia.az xəbər verir ki, bu barədə NATO-nun Baş katibi Mark Rutte Brüsseldə NATO müdafiə nazirlərinin görüşündən əvvəl “RBK-Ukrayna”nın sualını cavablandırarkən səsləndirib.
Rutte rusiyalılara müraciət edərək xəbərdarlıq edib:
“Rusiyalılara demək istəyirəm ki, əgər onlar NATO-ya qarşı qəsdən hər hansı addım atmağa cəhd etsələr, bizdə Alyansın hər bir qarış hava məkanını və ərazisini qorumaq üçün bütün imkanlar və səlahiyyətlər var”, – NATO baş katibi bildirib.
O əlavə edib ki, Alyans Ukraynanın təcrübəsindən öyrənərək düşmən hədəflərinə qarşı mübarizədə ən müasir texnologiyaları tətbiq edir.
Ruttenin sözlərinə görə, Polşada dronun vurulması və Rusiya MiQ-31 təyyarəsinin Estoniya hava məkanına daxil olması hadisələrində NATO təmkinli şəkildə hərəkət edib: “Təhlükə yarandıqda dron vuruldu, təhlükə olmadıqda isə F-35 təyyarələri rus təyyarəsini hava məkanından çıxardı”.
“NATO bunun üçün illərdir təlimlər keçirir. Biz bunu 60-70 ildir edirik – həm sovet, həm də rus təyyarələri ilə. Buna görə də ictimaiyyətdə ‘NATO-nun səlahiyyəti varmı?’ kimi müzakirələr mənasızdır. Bəli, bizdə bu səlahiyyət var və hər gün yeni texnologiyalara uyğunlaşmağa davam edirik”, – Rutte vurğulayıb.
Nihat Tahirov
14:16 15.10.2025
Oxunuş sayı: 882
