Erməni deputatın Türkiyəyə getməsinə qadağa qoyulub
Son günlərdə məlum olub ki, Ermənistan parlamentinin “Vətəndaş Müqaviləsi” partiyasından olan deputatları Türkiyəyə səfər edəcəklər.
Crossmedia.az xəbər verir ki, bu barədə Ermənistanın “Hraparak” nəşri yazıb.
Nəşrə görə, Ermənistan parlamentinin sədrinin imzaladığı sərəncamda deyilir: “ATƏT PA payız sessiyasının işlərində iştirak etmək üçün 2025-ci il noyabrın 16-dan 20-dək İstanbul şəhərinə ezam edilirlər: ATƏT PA-da Ermənistan parlamentinin nümayəndə heyətinin rəhbəri, Xarici Əlaqələr Komissiyasının sədri Sarkis Xandanyan, nümayəndə heyətinin üzvləri Mariya Karapetyan, Lilit Minasyan, Artur Hovhannisyan və nümayəndə heyətinin katibi, Milli Məclis Aparatının Xarici Əlaqələr İdarəsinin Beynəlxalq Təşkilatlar şöbəsinin baş mütəxəssisi Mariam Haci-Hakobyan”.
KİV bildirib ki, Mariam Haci-Hakobyan Ermənistan parlamentinin sədrinin müavini və Ermənistanın Türkiyə ilə danışıqlarda nümayəndəsi Ruben Rubinyanın həyat yoldaşıdır.
“Türkiyəyə gedəcək ATƏT nümayəndə heyətinin tərkibində müxalifət deputatları yoxdur, halbuki bu nümayəndə heyətinin üzvləri sırasında deputatlar Lilit Qalstyan və Anna Mkrtçyan var.
Üstəlik, Qalstyan nümayəndə heyətinin əsas üzvüdür. Nümayəndə heyətində iki əsas üzv daha var: Sarkis Xandanyan və Mariya Karapetyan. Digərləri isə əvəzləyici üzvlərdir. Lakin adətən ezamiyyətlərə əvəzləyicilər gedir, əsas üzv olan Lilit Qalstyan isə faktiki olaraq ezamiyyətdən kənarlaşdırılıb, bu isə presedentsiz haldır.
Qeyd edək ki, Lilit Qalstyan nümayəndə heyətinə daxil edilməməsi barədə parlament sədrinin sərəncamından xəbər tutub. Parlamentdən bildirilib ki, bu məsələyə dair daha sonra açıqlama veriləcək. Ehtimal etmək olar ki, “Daşnaksütun” partiyasından olan Lilit Qalstyanı Türkiyəyə aparmaqdan çəkiniblər ki, onun sərt çıxışları və ya sualları “isti atmosfer”i pozmasın”, - deyə müəllif bildirib.
10:44 15.10.2025
Oxunuş sayı: 826
